सय रुपैयाँ घुस लिने २ प्रहरी निलम्बित
बिज्ञापन
सर्लाही – राजमार्गमा जिप चालकसित घूसको रकम लिएको आरोपमा दुई प्रहरी निलम्बनमा परेका छन् ।
बिज्ञापन
उनीहरूले घुस लिएको भिडियो सामाजिक सञ्जालमा भाइरल भए पछि प्रहरी प्रधान कार्यालयको निर्देशनमा रौतहट र सर्लाहीका दुई प्रहरीलाई शुक्रबार साँझ निलम्बन गरिएको जनाइएको छ ।
निलम्बनमा पर्नेमा सर्लाहीको बागमतीस्थित ट्राफिक पोष्टमा कार्यरत प्रहरी जवान विकास कलबार र रौतहटको गरुडामा रहेको इलाका प्रहरी कार्यालयमा कार्यरत प्रहरी जवान सुनिलकुमार यादव छन्।
उनीहरुले राजमार्गमा ड्युटी गर्ने क्रममा एकजना जिप चालकसँग घुस रकम लिएको भिडियो सामाजिक सञ्जालमा सार्वजनिक भएपछि प्रहरी महानिरीक्षक बसन्त कुँवरले नै उनीहरुलाई कारबाही गर्न निर्देशन दिएका थिए ।
उनीहरुले जिप चालक रौटहटका सिकन्दर पटेलसित फरक फरक ठाउँमा एक/एक सय रुपैयाँ घुस लिएको भिडियो सामाजिक सञ्जालमा सार्वजनिक भएको थियो ।
बिज्ञापन
