सिंहदरबार पुनर्निर्माण गर्न उपत्यका मेयर्स फोरमले पाँच करोड सहयोग गर्ने
जेन–जी प्रदर्शनका क्रममा तोडफोड र आगजनी भएको ऐतिहासिक सिंहदरबार पुनर्निर्माणका लागि उपत्यका मेयर्स फोरमले पाँच करोड सहयोग गर्ने भएको छ।
बिहीबार बसेको फोरमको बोर्ड बैठकले उक्त निर्णय गरेको हो। शुक्रबार उक्त निर्णय सार्वजनिक गर्दै मेयर्स फोरमका अध्यक्ष चिरिबाबु महर्जनले सिंहदरबार र प्रहरी कार्यालयहरू पुनर्निर्माण गर्न सहयोग गर्ने निर्णय भएको बताए।
महर्जनका अनुसार उपत्यका प्रहरी कार्यालय पुनर्निर्माणका लागि एक करोड दिने निर्णय पनि भएको छ। यसैगरी, उपत्यकाका प्रहरी वृत्त, प्रभाग र चौकी तथा स्थानीय तहको भवन पुनर्निर्माणका लागि क्षतिको विवरण हेरेर आर्थिक सहयोग गर्ने निर्णय गरिएको उनले बताए।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।