अपरिचित समूहको गोली लागेर एक युवा घाइते
पर्साको सीमानाकासँग जोडिएको छिपहरमाई गाउँपालिकाको झल्मैया गाउँमा गोली प्रहार भएको छ। गोली प्रहारबाट एक युवा घाइते भएका छन् । बिहीबार साँझ साढे ७ बजे अपरिचित व्यक्तिको गोली प्रहारबाट भिस्वा– ५ निवासी स्थानीय १७ वर्षीय गोलु आलम घाइते भएको प्रहरीका एसपी सुदीपराज पाठकले जानकारी दिए ।
प्रहरीका अनुसार गोली लागेर घाइते भएका युवालाई उपचारका लागि सदरमुकाम वीरगन्जको नारायणी अस्पतालमा ल्याइएको छ। उनलाई कति राउन्ड गोली लागेको भन्नेबारे खुल्न नसकेको प्रहरीको भनाइ छ ।
स्थानीय युवा आलममाथि के कारणले गोली प्रहार भएको यसबारेमा अनुसन्धान भइरहेको प्रहरीले जनाएको छ । गोली प्रहार गर्ने समूहका दुईजनालाई नियन्त्रणमा लिएर अनुसन्धान भइरहेको प्रहरीकाे भनाइ छ ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।