७८औं निरंकारी सन्त समागम सेवा, समर्पण र मानवताको दिव्य उत्सवआत्म मन्थनबाट मनमा व्याप्त कुरीतियोहरुलाई समाप्त गरौं

–सतगुरु माता सुदीक्षा जी महाराज

समलखा, २८ सेप्टेम्बर । यस विविधताले भरिएको संसारमा जहाँ मानवता अनेकौं रुप, भाषा, संस्कृति, जाति र धर्ममा विभाजित देखिन्छ, त्यहाँ एउटा शाश्वत सत्य छ, जसले हामी सबैलाई अटुट धागोमा बाँध्छ । हामी सबै एउटै ईश्वरका सन्तान हौं, जो समय–समयमा विभिन्न रुपमा हामी कहाँ आएर हामीलाई प्रेम, करुणा, समानता र मानवताको दिव्य सन्देश दिन्छन् । हाम्रो फरक रुप र जीवनशैली भएपनि, हामी भित्र एउटै चेतना र जीवनशक्ति बग्छ, जसले हामीलाई एकअर्कासँग जोड्छ ।

यही भावनालाई आत्मसात् गर्दै, सन्त निरंकारी मिसनले विगत ९६ वर्षदेखि ‘वसुधैव कुटुम्बकम’ अर्थात ‘सम्पूर्ण विश्व एक परिवार हो’ को दिव्य भावनालाई जीवित राख्दै आएको छ । निरंकारी मिसनले प्रेम, शान्ति र सद्भावको पवित्र सन्देशको मात्र प्रचार गर्दैन, यसले सत्संग, सेवा र विशाल सन्त समागम मार्फत यसलाई व्यवहारमा पनि उतार्छ ।

हरेक वर्ष जस्तै, यस वर्ष पनि वार्षिक निरंकारी सन्त समागमको सेवा धेरै भावुक क्षणका साथ आरम्भ भएको छ, जब सतगुरु माता सुदीक्षा जी महाराज र निरंकारी राजपिता रमित जीले आफ्नो पवित्र हातले सेवा स्थलको उद्घघाटन गर्नुभयो । यो दृश्य केवल परम्पराको निरन्तरता मात्र थिएन, सेवा, भक्ति र मानवतामा गहिरो विश्वासको जीवन्त प्रतिबिम्ब पनि थियो । यस शुभ अवसरमा, मिशनका कार्यकारी समिति, केन्द्रीय सेवा दलका अधिकारी र हजारौं भक्तजनहरु सेवाको भावनाले उपस्थित भएका थिए ।

सत्गुरु माता सुदीक्षा जी महाराज र निरंकारी राजपिता रमित जीलाई सन्त निरंकारी मण्डलका प्रमुख आदरणीय राजकुमारी तथा सन्त निरंकारी मण्डलका सचिव आदरणीय जोगिन्दर सुखिजाले पुष्पगुच्छा अर्पण गरी उहाँहरुको आशीर्वादको कामना गर्नुभएको थियो ।

समागम सेवाको उद्घघाटनमा उपस्थित हजारौं भक्तजनहरुलाई सम्बोधन गर्दै सत्गुरु माता सुदीक्षा जी महाराजले आज समागम सेवाको पवित्र अवसरमा उपस्थित हुन पाउँदा धेरै खुशी महसुस भइरहेको बताउनुभयो । सबैको हृदयमा उत्साहको सुन्दर झलक अनुभव भइरहेको छ । सत्संगमा सेवा गर्नु भनेको हरेक हृदयलाई भक्तिले भर्नु हो । हामीले सबैमा ईश्वरको प्रकटीकरण देख्नु पर्छ । कुनै पनि घमण्ड बिना, हामीले सबैलाई सम्मान गर्दै सेवालाई अँगाल्नु पर्छ । निराकार स्वरुपको ध्यान गरेर हामीले ईश्वरसँग जोडिएर रहनु पर्छ ।
कुनै पनि घमण्ड बिना, हामीले सबैको सम्मानका साथ सेवा गर्नुपर्छ । निराकार स्वरुपको ध्यान गरेर हामी ईश्वरसँग जोडिएर बस्नुपर्छ । हामीले आफू भित्र कुनै पनि प्रकारको पर्खाल बनाउनु हुँदैन तर आफ्नो भित्री आत्मलाई हेर्नुपर्छ र हाम्रो मनमा रहेका कमजोरीहरुलाई सच्याउनुपर्छ ।

लगभग ६०० एकडमा फैलिएको यो समागम स्थल सेवा, भक्ति र मानवताको प्रतिक हो । यहाँ लाखौं भक्तजनहरुको आवास, खाना, स्वास्थ्य, यातायात र सुरक्षाको लागि सबै व्यवस्था पूर्ण भक्ति र निस्वार्थ भावका साथ गरिन्छ । भारत र विदेशका सन्तहरु, सेवामा संलग्न महात्माहरु र सबै क्षेत्रका भक्तहरु यस भव्य उत्सवमा भाग लिन्छन् र एकता, समर्पण र आध्यात्मिक आनन्दको अनुभव गर्छन् ।
े
यस वर्ष, समागमको शीर्षक ‘आत्मा मन्थन’ राखिएको छ, जसले हामीलाई आफू भित्र हेर्न र आत्मज्ञान मार्फत हाम्रा विचार र कार्यहरुलाई शुद्ध गर्न प्रेरित गर्दछ । यो यात्रा सत्गुरुद्वारा दिइएको ब्रम्हज्ञानबाट आरम्भ हुन्छ, जसले आध्यात्मिक शान्ति, आनन्द र मुक्तिको ढोका खोल्छ ।

मानवताको यो दिव्य उत्सव केवल मिशनका अनुयायीहरुका लागि मात्र नभएर तर हरेक धर्म, जाति, भाषा र विश्वका मानवता प्रेमीहरुका लागि हो, जसले सबै सन्तहरुलाई खुला हृदयले स्वागत गर्दछ । यो त्यस्तो भूमि हो, जहाँ मानवता, आध्यात्मिकता र सेवा अनुपम सद्भावमा भेटिन्छ । एक यस्तो अलौकिक अनुभूति जसलाई शब्दले बर्णन गर्न सकिदैन ।