२२ वर्षको उमेरमै विद्यालयको प्रधानाध्यापक बने बैतडीका भरत भण्डारी
बैतडीः बैतडीको पाटन नगरपालिका–८ स्थित जनप्रिय आधारभूत विद्यालयको प्रधानाध्यापकमा २२ बर्षीय भरत भण्डारी नियुक्त भएका छन् ।
पाटन नगरपालिका –९ घर भएका भण्डारीले शिक्षण पेशामा आवद्ध भएको ६ महिनामै उनले प्रधानाध्यापकको जिम्मेवारी पाएका हुन्। करार राहत कोटामा कार्यरत भण्डारीलाई विद्यालय व्यवस्थापन समितिले प्रधानाध्यापकको जिम्मेवारी दिने निर्णय गरेको छ ।
गएको वैशाखमात्रै शिक्षण पेशामा आवद्ध भएका भण्डारीले विद्यालयले सुम्पेको जिम्मेवारीलाई कुशलतापूर्वक निर्वाह गर्ने बताएका छन् । आफूले विद्यालयमा परिवर्तन ल्याउने चाहना राखेको र यसमा सबैको सहयोग आवश्यक रहेको उनले बताए ।
प्रधानाध्यापकको जिम्मेवारी पाएका भण्डारीले विद्यालय परिवार, पदाधिकारी र अभिभावकप्रति आभार व्यक्त गर्दै आगामी दिनमा साथ, सहयोग र हौसलाको अपेक्षा गरेका छन् ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।