हत्या गरेर ३२ वर्षदेखि फरार, घरको गोप्य तहखानाबाट पक्राउ परे अभियुक्त
ओडिशा । भारतको ओडिशामा हत्या अभियोगमा तीन दशकभन्दा बढी समयदेखि फरार रहेका एक व्यक्तिलाई प्रहरीले अन्ततः पक्राउ गरेको छ। उनले पक्राउबाट बच्न आफ्नै घरमुनि सुरुङ खनेर गोप्य भूमिगत कोठा बनाएका थिए, जहाँ उनी वर्षौँसम्म लुकेर बस्दै आएका थिए।
५८ वर्षीय रवीन्द्र मल्लिकमाथि सन् १९९४ मा आफ्नै काका–भाइ परमानन्द मल्लिकको बञ्चरो प्रहार गरी हत्या गरेको आरोप छ। घटना ओडिशाको जाजपुर जिल्लास्थित नुहाट गाउँमा भएको थियो। घटनापछि अदालतले उनलाई फरार अभियुक्त घोषणा गरेपछि उनी अचानक बेपत्ता भएका थिए।
प्रहरीका अनुसार रवीन्द्रले गिरफ्तारीबाट जोगिन आफ्नो घरमुनि गोप्य तहखाना निर्माण गरेका थिए। उनी विभिन्न स्थानमा मजदुरका रूपमा काम गर्दै झूटो पहिचान प्रयोग गरेर जीवन बिताइरहेका थिए। प्रहरीले जनाएको छ कि उनले नक्कली नाममा आधार कार्ड र मतदाता परिचयपत्रसमेत बनाएका थिए र आफू आदमपुर गाउँको बासिन्दा भएको दाबी गर्थे।
लामो समयदेखि खोजीमा रहेका उनलाई प्रहरीले पारिवारिक कार्यक्रममा सहभागी हुन घर फर्किएका बेला पक्राउ गरेको हो। तलाशी अभियानका क्रममा प्रहरी टोलीले उनलाई घरभित्र बनाइएको भूमिगत लुक्ने ठाउँबाट बाहिर निकालेको बताइएको छ।
३२ वर्षसम्म प्रहरीको आँखाबाट बच्दै आएका रवीन्द्र मल्लिकको गिरफ्तारीसँगै पुरानो हत्या मुद्दाको अनुसन्धानले नयाँ मोड लिएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।