हावाहुरीसहितको वर्षाले टीकापुरका केराबारी किसानलाई ठूलो क्षति
टीकापुर, २८ जेठ । हिजो दिउँसो आएको हावाहुरीसहितको अविरल वर्षाले टीकापुर क्षेत्रका केराबारी किसानहरुलाई ठूलो आर्थिक क्षति पु¥याएको छ ।
अचानक आएको तीव्र हावाहुरी र पानीका कारण सयौं बोट केरा ढलेका छन् भने उत्पादनको तयारीमा रहेका बगैंचाहरुमा व्यापक नोक्सानी पुगेको किसानहरुले बताएका छन् ।
स्थानीय किसानहरुका अनुसार पाक्न लागेको तथा बिक्रीका लागि तयारी अवस्थामा रहेका केराका बोटहरु हावाहुरीले जरा सहित उखेलेर ढालिदिएको छ । केही स्थानमा बगैंचाभित्र पानी जम्दा थप क्षति भएको जनाइएको छ । वर्षौंको मेहनत र लगानी एकैछिनमा नष्ट हुँदा किसानहरु चिन्तित बनेका छन् ।
किसानहरुले केरा खेतीलाई मुख्य आम्दानीको स्रोत बनाउँदै आएका छन् । तर प्राकृतिक विपत्तिका कारण यसपटक ठूलो घाटा व्यहोर्नुपरेको उनीहरुको भनाइ छ । उत्पादन घट्ने भएपछि आगामी महिनाहरुमा बजार आपूर्तिमा समेत असर पर्ने अनुमान गरिएको छ ।
स्थानीय कृषकहरुका अनुसार हावाहुरी सुरु भएको केही समयमै धेरै बोटहरु ढलेका थिए । विशेषगरी खुला क्षेत्रमा रहेका केराबारीहरु बढी प्रभावित भएका छन् । क्षतिको यकिन विवरण संकलन गर्ने काम भइरहेको बताइएको छ ।
कृषि क्षेत्रमा भएको क्षतिप्रति किसानहरुले सम्बन्धित निकायको ध्यानाकर्षण गराउँदै राहत तथा क्षतिपूर्ति उपलब्ध गराउन माग गरेका छन् । यस घटनाले टीकापुर क्षेत्रका केरा किसानहरुलाई ठूलो आर्थिक मार परेको छ । किसानहरुले प्राकृतिक विपत्तिबाट हुने जोखिम न्यूनीकरणका लागि दीर्घकालीन योजना, कृषि बीमा तथा आवश्यक सहयोग कार्यक्रम प्रभावकारी रुपमा कार्यान्वयन गर्न सम्बन्धित निकायसँग आग्रह गरेका छन् ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।