सामाजिक संजालमा जातीय विभेदपुर्ण अभिव्यक्तिको स्टेटस लेख्ने विरुद्ध प्रहरीमा उजुरी
काठमाडौ कैलाली सामाजिक सामाजिक संजालमा जातीय विभेदपुर्ण अभिव्यक्तिको स्टेटस लेख्ने विरुद्ध प्रहरीमा उजुरी जातीय विभेदपुर्ण अभिव्यक्तिको स्टेटस लेख्ने विरुद्ध प्रहरीमा उजुरी टीकापुर नगरपालिकामा रहेको साना सहरी खानेपानी उपभोक्ता तथा सरसफाई संस्थाका कार्यालय प्रमुख डम्बर विकलाई सिनो खाने कामी भनेर जातीय बिभेदपुर्ण स्टेटस सामाजिक सद्भाव भड्काएर सामाजिक सञ्जालमा स्टाटस लेख्ने माथि इलाका प्रहरी कार्यालय टिकापुरमा उजुरी परेको छ।
सामाजिक सञ्जाल फेसबुकमा कपिल केसी नामको आइडी भएको व्यक्तिले टीकापुर खानेपानीका कार्यालय प्रमुख डम्बर बि क विरुद्ध कामी भन्दै अनावश्यक गालीगलजका स्टाटस र कमेन्टहरु निरन्तर आउन थालेपछि इलाका प्रहरी कार्यालय टिकापुरमा उजुरी परेको हो।
सो सम्बन्धमा इलाका प्रहरी कार्यालय टिकापुरका प्रमुखसँग कुरा बुझ्दा सो सम्बन्धी लिखित निवेदन आइसकेको र प्रहरी छानबिन गरेर जातीय अपेलना गरेको कसुरमा मुद्दा चलाउन लागेको बताउनुभयो ।
उहाँले निवेदन आइसकेपछि प्रहरी प्रक्रिया अगाडि बढाइसकेको र सो व्यक्ति को हो भन्ने विषयमा छानबिन गरिरहेको बताउनुभयो।
कपिल केसी भनेर सामाजिक सञ्जाल फेसबुकमा आइडी बनाएको व्यक्तिले आफ्नो प्रोफाइल लक गरेको छ।
आफ्नो वास्तविक फोटो समेत नराखेर भगवानको फोटो प्रोफाइल पिक्चरका रुपमा राखेको सो व्यक्तिको उक्त फेसबुक आइडी नक्कली ( फेक) हुन सक्ने अनुमान गरिएको छ ।
स्रोत : खप्तड खबर डट कम
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।