‘आयोगको प्रतिवेदन नआउन्जेल’ ओली र लेखकविरुद्धको जाहेरी तामेलीमा
जेन–जी आन्दोलनमा दमन गरेको अभियोग लागेका तत्कालीन प्रधानमन्त्री केपी ओली र गृहमन्त्री रमेश लेखकविरुद्धको जाहेरी प्रहरीले तामेलीमा राखेको छ । अनुसन्धानका लागि पर्याप्त आधार नभएको भन्दै जिल्ला प्रहरी परिसर, काठमाडौंले उजुरी तामेलीमा राखेको बताएको छ ।
आन्दोलनमा गोली लागेर मृत्यु भएका चारजना सहिदका परिवारले ओली र लेखकविरुद्ध किटानी जाहेरी दिएका थिए । सुरुमा प्रहरीले सो जाहेरी जाँचबुझ आयोगमा पठाएको थियो । आयोगले प्रहरीमै फर्काइदिएको थियो । ‘यसमा तत्काल अनुसन्धान अघि बढाउनुपर्ने अवस्था देखिएन,’ परिसरका एक अधिकारीले भने, ‘पछि जाँचबुझ आयोगबाट यस विषयमा केही सिफारिस आएमा फेरि छानबिन अघि बढ्न सक्छ ।’
त्यस्तै, प्रहरीले काठमाडौं महानगरपालिकाका मेयर बालेन शाह तथा हामी नेपाल संस्थाका संयोजक सुदन गुरुङविरुद्धको जाहेरी पनि तामेलीमा राखेको छ । एमाले तथा कांग्रेसका कार्यकर्ताले बालेन र सुदनले उक्साएर सिंहदरबार जलाएकाले उनीहरूलाई अनुसन्धानको दायरामा ल्याउन माग गर्दै जाहेरी दिएका थिए ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।