गोली प्रहार गरी ब्राउन सुगरसहित भारतीय नागरिक पक्राउ
सिराहा । सिराहा नगरपालिका–२१ लकडिगोठमा ब्राउनसुगर सहित दुई भारतीय नागरिक पक्राउ परेका छन् । जिल्ला प्रहरी कार्यालय सिराहा, इलाका प्रहरी कार्यालय महेशपुरपतार र लागूऔषध नियन्त्रण ब्यूरो शाखा कार्यालय गोलबजार सिराहाको संयुक्त प्रहरी टोलीले ९२.३ ग्राम ब्राउन सुगर सहित २ जनालाई नियन्त्रणमा लिइएको हो ।
नियन्त्रणमा लिने क्रममा प्रहरीमाथि ढुङ्गामुढा प्रहार गर्दै भारततर्फ भाग्न खोजेपछि एक राउण्ड हवाइ फायर र एक राउण्ड गोली प्रहार गरिएको छ ।गोली लागेर भारत, मधुवनी जिल्ला पदमाहा ग्राम पञ्चायत–२ जोगिया टोल निवासी अन्दाजी २८ वर्षिय छोटु भनिने रञ्जित कुमार पासवान घाइते भएका छन्। सोही क्रममा इलाका प्रहरी कार्यालय महेशपुरपतारमा कार्यरत प्रहरी जवान हृदय नारायण ठाकुर पनि खुट्टामा चोट लागेर घाइते भएका छन्।
घाइते दुवै जनाको प्रादेशिक अस्पताल सिराहामा उपचार भइरहेको छ । घटनास्थलबाट भारतकै मधुवनी जिल्ला निवासी अन्दाजी १७ वर्षिय रमन कुमार पासवानलाई समेत नियन्त्रणमा लिइएको छ। पक्राउ परेका व्यक्तिहरूमाथि थप अनुसन्धान भइरहेको छ ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।