काठमाडौ आइपुग्यो भारतीय उद्धार टोली, घटनास्थलतर्फ जाने तयारी
काठमाडौ । रसुवाको भोटेकोशी नदीमा आएको भीषण बाढीमा परेकाहरूको उद्धारमा सहयोग गर्न भारतीय उद्धार टोली नेपाल आइपुगेको छ।
भारतीय उद्धार टोली काठमाडौँस्थित भारतीय दूतावासमा पुगेको नेपाल विद्युत् प्राधिकरणका एक अधिकारीले जानकारी दिएका छन्।
नेपाल सरकारको निर्देशनअनुसार टोली आवश्यक समन्वयपछि बाढी प्रभावित क्षेत्रतर्फ प्रस्थान गर्ने तयारीमा रहेको जनाइएको छ।
यही भदौ १० गते रसुवास्थित भोटेकोशी नदीमा आएको भीषण बाढीका कारण ठूलो जनधनको क्षति भएको छ। बाढीमा परेर केही व्यक्ति बेपत्ता भएका छन् भने प्रभावित क्षेत्रमा उद्धार तथा खोजी कार्य जारी छ।
बाढी प्रभावित क्षेत्रमा उद्धार तथा खोजी कार्यलाई थप प्रभावकारी बनाउन भारतीय उद्धार टोली नेपाल आएको हो।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।