राष्ट्रिय निर्वाचन

बेलायतको विद्यार्थी भिसामा नेपालीलाई झट्का, ९२ प्रतिशत आवेदन अस्वीकृत

लोक कल्याणकारी विज्ञापन
Tikapur Nagarpalika Public Welfare Ad

४ मंसिर । बेलायतमा उच्च शिक्षा अध्ययन गर्न जाने तयारीमा रहेका नेपाली विद्यार्थीलाई झट्का लागेको छ । विद्यार्थी भिसाका लागि अन्तर्वार्तामा बोलाइएका नेपालीमध्ये ९२ प्रतिशतको भिसा आवेदन अस्वीकृत भएको विवरण सार्वजनिक भएको छ ।

लोक कल्याणकारी विज्ञापन

सन् २०२६ मेदेखि अक्टोबरसम्म बेलायतले विभिन्न देशका ११ हजार ४१५ विद्यार्थीको भिसा अन्तर्वार्ता लिएको थियो । तीमध्ये ९ हजार ४३ जनाको आवेदन अस्वीकृत भएको जनाइएको छ । अन्तर्वार्तापछि भिसा अस्वीकृत हुने दरमा नेपाली विद्यार्थी सबैभन्दा अगाडि रहेको बताइएको छ ।

नेपाली विद्यार्थीको भिसा अस्वीकृत हुनुमा अन्तर्वार्ताका क्रममा आफूले अध्ययन गर्न लागेको विश्वविद्यालय, कलेज तथा विषयबारे पर्याप्त जानकारी दिन नसक्नु प्रमुख कारण देखिएको छ । बेलायतमै अध्ययन गर्न चाहनुको उद्देश्य स्पष्ट पार्न नसक्नु र अध्ययन पूरा गरेपछि आफ्नो भावी योजनाबारे विश्वसनीय जवाफ दिन नसक्नु पनि अस्वीकृतिका कारण बनेका छन् ।

लोक कल्याणकारी विज्ञापन
AD

त्यस्तै, अंग्रेजी भाषामा कमजोर प्रस्तुति, अध्ययनका लागि आवश्यक खर्च कसरी जुटाउने भन्ने विषयमा स्पष्ट जानकारी दिन नसक्नु तथा आर्थिक स्रोतको पर्याप्त प्रमाण प्रस्तुत गर्न नसक्दा पनि विद्यार्थीहरू समस्यामा पर्ने गरेका छन् ।

बेलायतमा अध्ययन गर्ने सपना बोकेका नेपाली विद्यार्थीका लागि पछिल्लो विवरणले भिसा प्रक्रियालाई थप चुनौतीपूर्ण बनाएको छ । अध्ययनका लागि आवेदन दिनुअघि आफूले रोजेको विश्वविद्यालय, विषय, अध्ययनको उद्देश्य, भविष्यको योजना तथा आर्थिक स्रोतबारे पर्याप्त तयारी गर्नुपर्ने देखिएको छ ।

विशेषगरी भिसा अन्तर्वार्तालाई औपचारिकताका रूपमा मात्र नलिई आफ्नो अध्ययन योजना र उद्देश्य स्पष्ट रूपमा प्रस्तुत गर्न सक्ने गरी तयारी गर्नुपर्ने आवश्यकता औँल्याइएको छ ।

बिज्ञापन