विराटनगरको नाङ्लो रेस्टुरेन्टमा भीषण आगलागी
बिज्ञापन
विराटनगर । विराटनगर महानगरपालिका–२ स्थित नाङ्लो रेस्टुरेन्टमा भीषण आगलागी भएको छ । आगलागीबाट रेस्टुरेन्ट पूर्णरूपमा जलेर खरानी भएको छ । जिल्ला प्रहरी कार्यालय मोरङका अनुसार आगलागीबाट रेस्टरेन्टको पूरै संरचना जलेर नष्ट भएको छ ।
बिज्ञापन
अचानक बिहीबार दिउँसो सुरु भएको आगलागी विराटनगर महानगरपालिकाको दमकल, सशस्त्र प्रहरी, नेपाल प्रहरी र स्थानीयले नियन्त्रणमा लिएका छन् । रेस्टरेन्टका सञ्चालक ईश्वर बास्कोटले कसरी आगलागी सुरु भएको भन्ने खुल्न नसकेको बताएका छन् ।
जिल्ला प्रहरी कार्यालय मोरङका प्रवक्ता डीएसपी राजन कार्कीले आगलागी नियन्त्रणमा आएको जानकारी दिँदै क्षतिको विवरण संकलन भइरहेको जानकारी दिए । रेस्टरेन्टमा भएको होटलको ग्यास सिलिन्डरको पाइपबाट ग्यास चुहिएर आगलागी भएको हुनसक्ने प्रहरीको अनुमान छ ।
बिज्ञापन
