रवि लामिछानेको पार्टीमा विवाद, जिल्ला सभापति हटाउन माग
बिज्ञापन
काठमाडौं । रवि लामिछाने नेतृत्वको राष्ट्रिय स्वतन्त्र पार्टी (रास्वपा) मा विवाद सुरु भएको छ ।
बिज्ञापन
यही मंसिर ४ गते सम्पन्न आमनिर्वाचनमा अन्तर्घात गरेको आरोप लगाउँदै मकवानपुर जिल्ला सभापति राजकुमार न्यौपानेलाई पदबाट हटाउन माग गरेका छन् ।
न्यौपानेलाई कारवाहीको माग गर्दै त्यहाँका २४० जना सदस्यहरुले केन्द्रीय कार्यालयमा निवेदन दिएका हुन् । उनीमाथि रास्वपाका समानुपातिक उम्मेदवारसँग मिलेर सौदाबाजी गरेको आरोप छ ।
उनले रास्वपाका समानुपातिक उम्मेदवारलाई अर्को पार्टीका उम्मेदवारसँग भेटाएर मिलेमतो गरेको आरोप लागेको हो ।आफूमाथि कारवाहीको कुरा उठेपछि सभापति न्यौपानेले यसलाई पार्टीभित्र गुटबन्दीको परिणाम भनेका छन् ।
बिज्ञापन
