दोहोरी साँझमा कुटिएका एक युवाको मृत्यु
बिज्ञापन
धनगढी । कैलालीमा कुटपिटबाट घाइते भएका एक युवकको मृत्यु भएको छ । उक्त घटनामा उनीसँगै भएका ६ जना पक्राउ परेका छन् । गोदाबरी नगरपालिका–१ अत्तरियास्थित न्यू सत्कार दोहोरी साँझमा मदिरा सेवनका क्रममा कुटपिटमा परेका कृष्णपुर नगरपालिका–५ का ४२ वर्षीय श्याम देउवाको मृत्यु भएको प्रहरीले जनाएको छ ।
बिज्ञापन
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कुलदीप चन्दका अनुसार २५ पुसको साँझ साथीसँगै दोहोरी साँझ गएका देउवा भोलिपल्ट गोदाबरीको चौकीडाँडामा भेटिएका थिए ।
उनीसँगै दोहोरी साँझमा रहेका कृष्णपुर नगरपालिका–४ का २८ वर्षीय टेकबहादुर नायकले घर पु¥याइदिएपछि घाइते देउवालाई उनको परिवारले उपचारका लागि धनगढीको निसर्ग अस्पताल लगेका थिए । देउवाको उपचारकै मृत्यु भएपछि उनको शव परीक्षणका लागि सेती प्रादेशिक अस्पतालमा राखिएको छ ।
बिज्ञापन
