शान्ति प्रक्रियाको बाँकी काम चाँडो टुंग्याउन सरकारसँग माओवादी सांसदको माग
काठमाडौं । नेकपा माओवादी केन्द्रकी सचेतक रूपा सोशी चौधरीले शान्ति प्रक्रियाका बाँकी कामलाई चाँडो टुंग्याउन सरकारसँग माग गरेकी छन्।
प्रतिनिधि सभाको बैठकमा बोल्दै सहमतीय प्रणालीबाट यथाशीघ्र बाँकी काम टुंग्याउन माग गरिन्।
उनले भनिन्, ‘शान्ति प्रक्रियाको बाँकी काम यथाशीघ्र टुंग्याउनुपर्छ। संविधान बनेको लामो समय बितिसक्दा पनि यो काम टुंगिन नसकेको छैन। पटक–पटक सङ्क्रमणकालीन न्यायसँग सम्बन्धित विधेयक रोकिएको छ। यो सहमतिबाट छिटो टुंग्याउनको लागि सरकारको ध्यानाकर्षण गराउँछु।’
शान्ति प्रक्रियासँग सम्बन्धित विधेयकलाई अब टुंग्याउन विलम्ब गर्न नहुने बताइन्।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।