कैलालीमा उत्पादनको २ प्रतिशत मात्र धान खरिद, किसान बेच्न चिन्तित
धनगढी।यस वर्ष कैलालीमा ३ लाख ८ हजार मेट्रिकटन अर्थात् ३० लाख ८० हजार क्विन्टल धान उत्पादन भए पनि खाद्य व्यवस्था तथा व्यापार कम्पनी लिमिटेडले केवल ३५ हजार क्विन्टल धान खरिद गरेको छ।निर्धारित कोटाभन्दा झण्डै ३ हजार क्विन्टल बढी खरिद भइसकेको हुँदा अतिरिक्त धान खरिद रोकिएको छ।
कैलालीका किसानहरूले उत्पादनको अधिकांश धान बिक्री गर्न नसक्ने चिन्ता व्यक्त गरेका छन्।मोहनपुरस्थित खाद्य खरिद केन्द्रमा प्रेमलाल चौधरीले एक सातासम्म धान बिक्रीको प्रयास गर्दा पनि केन्द्रले “भोलि आउनुहोस्” भन्दै फर्काएको जानकारी दिए।
कैलालीका अग्रणी किसान नेत्र भण्डारीका अनुसार, सरकारले धान खरिद नगर्दा गल्ला व्यापारी मनोमानी गर्दै समर्थन मूल्यभन्दा कममा धान खरिद गरिरहेका छन्।पहिले व्यापारीले प्रतिक्विन्टल दुई हजार पाँच सयसम्म मूल्य दिँदै आएका थिए, अब खाद्यले खरिद रोक्दा दुई हजारमै खरीद भइरहेको छ,”भण्डारीले बताए।
नेपाल सरकारले मोटो धानको न्यूनतम समर्थन मूल्य प्रतिक्विन्टल ३४६३।८१ रुपैयाँ तोकेको छ।तर गल्ला व्यापारीहरूले समर्थन मूल्यभन्दा डेढ हजार कममा धान खरिद गर्ने गरेका छन्।व्यापारीहरूले उत्पादन नपाए भारतबाट सिधै चामल ल्याएर बिक्री गर्ने धम्की समेत दिएका छन्।
खाद्यको प्रादेशिक कार्यालयका प्रमुख दीपक थापाका अनुसार,कैलालीका लागि ३५ हजार क्विन्टल धान खरिदको कोटा निर्धारण गरिएको थियो र हाल तत्काल थप खरिदको अवस्था छैन।यस कारण केन्द्रले किसानलाई दैनिक भिड नगर्न सार्वजनिक सूचनामार्फत आग्रह गरेको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।