बाढीले बगाएर नेपालबाट भारत पुगेका पाँच हात्तीको सकुशल उद्धार
काठमाडौ । नेपालमा आएको भीषण बाढीले बगाएर भारतको उत्तर प्रदेश पुगेका पाँच वटा हात्तीको सकुशल उद्धार गरिएको छ।
बाढीका कारण नेपालबाट बग्दै भारतको उत्तर प्रदेश पुगेका ती हात्तीलाई भारतीय वन विभाग तथा सम्बन्धित निकायको टोलीले उद्धार गरेको जनाइएको छ।
बाढीको तीव्र बहावसँगै भारत पुगेका हात्तीहरूलाई सुरक्षित स्थानमा ल्याउन भारतीय वनकर्मी तथा उद्धार टोली परिचालन गरिएको थियो। टोलीले उद्धार गरी हात्तीहरूलाई सुरक्षित राखेको बताइएको छ।
प्राकृतिक विपद्का कारण वन्यजन्तुसमेत प्रभावित भइरहेका बेला नेपालबाट बाढीले बगाएर भारत पुगेका पाँच हात्तीको सकुशल उद्धार हुनुलाई सकारात्मक घटनाका रूपमा लिइएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।