कुकुरका कारण बाजुरामा काँग्रेस र एसका कार्यकर्ताबीच झडप
बिज्ञापन
बाजुरा । कुकुरको विषयलाई लिएर बाजुरामा नेपाली कांग्रेस र नेकपा एकीकृत समाजवादी (एस) का कार्यकर्ताबीच झडप भएको छ । जिल्लाको बुढीनन्दा नगरपालिका–९ स्थित अगाउँपानीमा दुवै पार्टीका कार्यकर्ता बिच झडप भएको हो ।
बिज्ञापन
समाजवादीका कार्यकर्ताले कुकुरलाई हिर्काएको भन्दै काँग्रेसका कार्यकर्ताहरुले ढुगांमुढा गरेपछि झडप भएको जिल्ला प्रहरी कार्यालय बाजुराले जनाएको छ । झडपमा ३ जना प्रहरीसहित काँग्रेसका कार्यकर्ता घाइते भएका प्रहरीले जनाएको छ ।
झडपपछि समाजवादीका कार्यकर्ताहरु प्रहरी चौकीमा पुगेका थिए । उनीहरुलाई प्रहरीले संरक्षण गरेको भन्दै काँग्रेसका कार्यक्रताहरुले प्रहरी चौकी तोडफोड गरेका थिए । चौकी तोड्न थालेपछि प्रहरीले हवाई फायर समेत गरेको बताईएको छ ।
बिज्ञापन
