धनगढीमा मोटरसाइकलमाथि विद्युत पोल खस्दा महिला गम्भीर घाइते
धनगढी, १८ साउन । कैलालीको धनगढीमा गुडिरहेको मोटरसाइकलमाथि विद्युतको पोल खस्दा एक महिला गम्भीर घाइते भएकी छन्।
घाइते हुनेमा कञ्चनपुरको बेलौरी नगरपालिका–५ निवासी आशाकुमारी चौधरी रहेको प्रहरीले जनाएको छ। उनको टाउकोमा गम्भीर चोट लागेको छ। हाल उनको धनगढीस्थित माया मेट्रो अस्पतालमा उपचार भइरहेको छ।
प्रहरीका अनुसार आशाकुमारी श्रीमान् राजकुमार चौधरीसँग मोटरसाइकलमा ज्याला मजदुरीका लागि जाँदै गरेकी थिइन्। सोही क्रममा अचानक विद्युतको पोल मोटरसाइकलमाथि खसेर दुर्घटना भएको हो।
दुर्घटनामा मोटरसाइकल चालक राजकुमार चौधरी भने सकुशल रहेका छन्। घटनाबारे प्रहरीले थप अनुसन्धान गरिरहेको जनाएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।