भेरी नगरपालिका–१० मा कुटपिट प्रकरण : पाँच जना पक्राउ
जाजरकोटमा औषधि व्यवसायीको मृत्यु, पाँचजना पक्राउ
काठमाडौं, १ भदौ । जाजरकोटमा कुटपिटबाट घाइते भएका औषधि व्यवसायीको उपचारका क्रममा मृत्यु भएको छ। भेरी नगरपालिका–११ जगतीपुरका ३२ वर्षीय दीपककुमार थापाको साउन २८ गते मृत्यु भएको हो।
साउन २५ गते राति भेरी नगरपालिका–१० नुवागाउँमा भएको कुटपिट घटनामा संलग्न आरोपमा प्रहरीले पाँचजनालाई पक्राउ गरेको छ।
पक्राउ पर्नेमा वीरेन्द्र खत्री, नीरज रोकाय, शिशिर योगी गोसाईं, लक्ष्मण रोकाय र विनोद गोसाईं छन्।
पक्राउ परेकामाथि कर्तव्य ज्यानसम्बन्धी कसुरमा अनुसन्धान भइरहेको जिल्ला प्रहरी कार्यालय जाजरकोटले जनाएको छ। अदालतबाट म्याद थप गरी घटनाको थप अनुसन्धान भइरहेको प्रहरीले जनाएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।