मोरङमा जिप र मोटरसाइकल ठोक्किँदा दुईको मृत्यु
फागुन ,२३
मोरङको सुन्दरहरैंचामा शनिबार राति सवारी दुर्घटना हुदा दुई जनाको मृत्यु भएको छ,भने दुई गम्भीर घाइते भएका छन् ।
बेलबारी नगरपालिका–११ का मनोज कटुवाल र अर्जुन न्यौपानेको मृत्यु भएको हो । काठमाडौंका २८ वर्षीय गणेश थापा र मोरङको बेलबारीका १८ वर्षीय उत्सव गिरी गम्भीर घाइते छन् ।
दुर्घटनामा घाइते भएका न्यौपाने र कटुवालको उपचारका क्रममा विराटनगरस्थित कोसी अस्पतालमा मृत्यु भएको जिल्ला प्रहरी मोरङका प्रमुख प्रहरी उपरीक्षक सन्तोष खड्काले बताए । उनीहरू दुवै जना मोटरसाइकलमा सवार थिए ।
सुन्दरहरैंचा नगरपालिकाको वडा नं ८ र ७ को सिमाना मध्याली पुलनजिक काठमाडौंबाट झापाको बिर्तामोडतर्फ जाँदै गरेको बा४ख ६९६ नम्बरको जिप र विपरीत दिशाबाट आउँदै गरेको प्रदेश२–०२–००१प ३८७८ नम्बरको मोटरसाइकल राति साढे एक बजे ठोक्किएको प्रहरीले जानकारी दिएको छ ।
दुवै जनाले मादक पदार्थ सेवन गरेको पाइएको उपचारमा संलग्न चिकित्सकले जनाएका छन् ।
घाइते भएका थापा र गिरीको विराटनगरस्थित नर्सिङहोममा उपचार भइरहेको छ ।
मोटरसाइकल ठोक्किएपछि अनियन्त्रित बनेको जिपले मोटरसाइकललाई घिसार्दै दक्षिणतर्फ खेतमा पुर्याएको खड्काले बताए ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।