सुरक्षा निकायसँग गृहमन्त्रीको ५ घन्टा लामो छलफल
काठमाडौं । गृहमन्त्री सुधन गुरूङले सुरक्षा निकायका उच्च अधिकारीहरूसँग ५ घन्टा लामो छलफल गरेका छन् । छलफलपछि राति करिब ११ बजे गृह मन्त्रालयबाट बाहिरिँदा उनको अनुहारमा गहिरो मुस्कान थियो ।
मन्त्रालयबाहिर पर्खिरहेका सञ्चारकर्मीलाई उनले कुनै प्रतिक्रिया दिएनन् । पत्रकारले बैठकमा ‘के भयो’ भनी सोधेको प्रश्न छल्दै गुरूङले भने, ‘कति दुख पाउनुभएको तपाईँहरूले, खाना त खानुभयो नि ?’
‘अब हाइप्रोफाइलको फाइल फेरि खुल्ने हो ’भन्ने प्रश्नमा उनी खुलेनन् । ‘बिस्तारै थाहा हुन्छ’ भन्दै पन्छिए ।
आज भएको बैठकमा प्रहरी महानिरीक्षक दानबहादुर कार्कीलगायत सहभागी थिए । थप हाइप्रोफाइललाई पक्रिने योजनामाथि छलफल भएको बुझिएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।