सुदूरपश्चिममा मुख्यमन्त्री खगराज भट्टले पाए विश्वासको मत, पक्षमा ३१ र विपक्षमा १५ मत
धनगढी, ३ भाद्र । सुदूरपश्चिम प्रदेशका मुख्यमन्त्री खगराज भट्टले प्रदेशसभाबाट विश्वासको मत प्राप्त गर्नुभएको छ । प्रदेशसभामा बुधबार भएको मतदानमा मुख्यमन्त्री भट्टको पक्षमा ३१ मत परेको छ भने विपक्षमा १५ मत परेको छ । कुल ४६ जना प्रदेशसभा सदस्यले मतदान प्रक्रियामा सहभागिता जनाएका थिए ।
विश्वासको मतका लागि मुख्यमन्त्री भट्टले प्रदेशसभामा राख्नुभएको प्रस्तावमाथि भएको मतदानमा उहाँको पक्षमा स्पष्ट बहुमत देखिएको हो । ३१ मत प्राप्त गरेसँगै भट्ट नेतृत्वको प्रदेश सरकारले प्रदेशसभाबाट वैधानिक राजनीतिक आधारसमेत प्राप्त गरेको छ ।
सुदूरपश्चिम प्रदेशसभामा सरकार सञ्चालनका लागि आवश्यक बहुमत जुटाउन मुख्यमन्त्री भट्ट सफल हुनुभएको हो । मतदानमा १५ जना सांसदले भने सरकारको विपक्षमा मतदान गरेका छन् । यससँगै केही समयदेखि देखिँदै आएको प्रदेश सरकार गठन तथा सत्ता समीकरणको अन्योलसमेत अन्त्य भएको छ ।
यसअघि केन्द्रमा भएको सत्ता सहकार्यको समझदारीअनुसार सुदूरपश्चिम प्रदेश सरकारको नेतृत्व नेकपाले गर्ने सहमति भएको थियो । सोही सहमतिअनुसार नेकपाका संसदीय दलका नेता खगराज भट्टलाई मुख्यमन्त्री बनाउने तयारी अघि बढाइएको थियो । नेकपा र एमालेबीचको सहकार्यपछि प्रदेशसभामा सरकार गठनका लागि आवश्यक संख्याभन्दा बढी सांसदको समर्थन जुट्ने अवस्था बनेको थियो ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।