रसुवाको बाढीमा बेपत्ता परिवारलाई रास्वपाको राहत
टीकापुर, १ कात्तिक। राष्ट्रिय स्वतन्त्र पार्टी (रास्वपा) ले रसुवामा आएको बाढीका कारण परिवारका सदस्य बेपत्ता भएका टीकापुर नगरपालिका–५ का पीडित परिवारलाई चामल सहयोग गरेको छ।
बाढीका कारण आफन्त बेपत्ता भएपछि पीडामा रहेका परिवारलाई राहतस्वरूप चामल प्रदान गरिएको हो। कठिन परिस्थितिमा रहेका परिवारको अवस्था बुझ्दै पार्टीले मानवीय सहयोग उपलब्ध गराएको हो।
राहत प्राप्त परिवारले दुःखको घडीमा सहयोग गरेकोमा रास्वपाप्रति आभार व्यक्त गरेका छन्। पीडित परिवारलाई उपलब्ध गराइएको सहयोगले उनीहरूलाई केही राहत र हौसला मिल्ने विश्वास व्यक्त गरिएको छ।
बाढीका कारण बेपत्ता भएका परिवारका सदस्यको अवस्था अझै अनिश्चित रहँदा उनीहरूलाई दैनिक जीवनयापनमा समेत कठिनाइ भइरहेको छ। यस्तो अवस्थामा विभिन्न व्यक्ति तथा संस्थाबाट प्राप्त सहयोगले पीडित परिवारलाई सहारा पुग्ने अपेक्षा गरिएको छ।
