रसुवा बाढीपीडितका लागि टीकापुर शान्तिनगर टोल विकास संस्थाको २० हजार सहयोग
टीकापुर, १६ भदौ। रसुवाको भोटेकोशी नदीमा आएको विनाशकारी बाढीपहिरोबाट ठूलो जनधनको क्षति भएको भन्दै टीकापुर नगरपालिका–२, शान्तिनगर टोल विकास संस्था सीतापुरले पीडित नागरिकका लागि आर्थिक सहयोग गरेको छ।
विपद्को यस कठिन घडीमा पीडित नागरिकको दुःखमा साथ दिने उद्देश्यले संस्थामा आबद्ध सम्पूर्ण सदस्यहरूको एक्यबद्धता प्रतिनिधित्व गर्दै प्रधानमन्त्री दैवी प्रकोप उद्धार कोषमा २० हजार रुपैयाँ सहयोग जम्मा गरिएको संस्थाले जनाएको छ।
संस्थाले प्राकृतिक विपद्बाट प्रभावित नागरिकको उद्धार, राहत तथा पुनःस्थापनाका लागि सबैले आ–आफ्नो क्षमताअनुसार सहयोग गर्नुपर्नेमा जोड दिएको छ। साथै, पीडित परिवारको दुःखमा साथ दिनु सामाजिक दायित्व भएकाले संस्थाका सदस्यहरू एकजुट भएर सहयोगमा सहभागी भएको जनाएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।