क्यानडा पठाइदिने भन्दै २ करोड ५० लाख ठगी गरेको आरोपमा लम्कीचुहाका एक पक्राउ
धनगढी । वैदेशिक रोजगारीका लागि क्यानडा पठाइदिने प्रलोभन देखाएर करोडौं रुपैयाँ ठगी गरेको आरोपमा लम्कीचुहाका एक जनालाई प्रहरीले पक्राउ गरेको छ।
पक्राउ पर्नेमा कैलालीको लम्कीचुहा नगरपालिका–६ स्थायी घर भई हाल काठमाडौंको चन्द्रागिरि नगरपालिका–५ बस्दै आएका ४६ वर्षीय लहानु राम चौधरी रहेका छन्।
प्रहरीका अनुसार चौधरीले वैदेशिक रोजगारीका लागि क्यानडा पठाइदिने भन्दै २६ जनाबाट करिब २ करोड ५० लाख रुपैयाँ असुली गरेको आरोप छ। रकम लिइसकेपछि उनी पीडितहरूको सम्पर्कबाट बाहिरिएका थिए।
पीडितहरूले दिएको उजुरीका आधारमा प्रहरीले चौधरीलाई पक्राउ गरेको हो। घटनासम्बन्धी थप अनुसन्धान भइरहेको प्रहरीले जनाएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।