टीकापुर–राजापुर जोड्ने भोलुङ्गे पुल अस्थायी रूपमा बन्द
टीकापुर, १३ साउन । कैलालीको टीकापुर नगरपालिका–५ कर्मिडाँडा र बर्दियाको राजापुर नगरपालिका–१ दौलतपुर जोड्ने दौलतपुर घाटस्थित मल्टि स्पान भोलुङ्गे पुल साउन १४ गतेदेखि एक साताका लागि पूर्ण रूपमा बन्द हुने भएको छ।
निर्माण व्यवसायी थानी निर्माण सेवा प्रालिले जारी गरेको सूचनाअनुसार परीक्षणका क्रममा प्राविधिक समस्या देखिएपछि आवश्यक मर्मत तथा सुधार कार्य गर्न पुलमा आवतजावत रोक्न लागिएको हो।
पुल बन्द रहने अवधिमा स्थानीय बासिन्दा, सर्वसाधारण तथा पर्यटकलाई वैकल्पिक मार्ग प्रयोग गर्न निर्माण कम्पनीले अनुरोध गरेको छ। यसबाट आवागमनमा पर्न जाने असुविधाप्रति कम्पनीले क्षमायाचना गर्दै प्राविधिक सुधार सम्पन्न भएपछि पुल पुनः सञ्चालनमा ल्याइने जनाएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।