तीजको अवसरमा सन्त निरंकारी सत्संग भवन टप्पाको शुभकामना कार्यक्रम
टप्पा, ३० भाद्र । सन्त निरंकारी सत्संग भवन टप्पाले हिन्दु महिलाको प्रमुख पर्व हरितालिका तीजको अवसरमा विशेष कार्यक्रम आयोजना गरेको छ।
देश तथा विदेशमा रहेका सन्त–महात्मा तथा श्रद्धालुहरूलाई लक्षित गरी आयोजित कार्यक्रममा एकता, भाइचारा र सामाजिक सद्भावको सन्देश प्रवाह गरिएको थियो।
कार्यक्रममा मण्डलकी सेवादल सदस्यले देश–विदेशमा रहेका नेपाली नारी तथा सन्त परिवारलाई तीजको शुभकामना दिइन्। उनले समाजमा प्रेम, सद्भाव र आपसी एकताको भावना अझ बलियो बनाउँदै लैजानुपर्नेमा जोड दिइन्।
‘विश्वभरि रहेका सन्त परिवारबीच एकता, प्रेम र सद्भावको भावना निरन्तर कायम रहोस्,’ उनले शुभकामना दिँदै भनिन्।
उक्त अवसरमा भजन तथा कीर्तन प्रस्तुत गर्नुका साथै सहभागीहरूबीच तीजको शुभकामना आदानप्रदान गरिएको थियो।
सत्संग भवन टप्पाले धार्मिक तथा सांस्कृतिक पर्वलाई आपसी प्रेम, सद्भाव र मानव एकताको भावना अभिव्यक्त गर्ने अवसरका रूपमा मनाउँदै आएको जनाएको छ।
